ვის შეუძლია, შეიცნოს სამოთხე? ვინც საკუთარ თავში სულიწმიდას ატარებს, ის ნაწილობრივ გაიგებს ამას, რამეთუ სასუფეველი სულიწმიდის სამეფოა, სულიწმიდა კი მიწაზეც და ზეცაშიც ერთი და იგივეა.
მე ვფიქრობდი: კადნიერი ვარ და ყოველგვარ სასჯელს ვიმსახურებ; უფალმა კი სასჯელის ნაცვლად სულიწმიდა მიბოძა. იგი ყოველგვარ მიწიერზე ტკბილია, ეს ზეციური საკვებია; ეს სულის სიხარულია.
დიდხანს ვიცოცხლე, ბევრი რამ ვნახე და გავიგონე. მოვისმინე ბევრი მუსიკა, იგი ატკბობდა ჩემს სულს და ვფიქრობდი: თუკი ეს მუსიკა ასეთი ტკბილია, რაოდენ საამო იქნება სულისთვის ზეციური გალობა, სადაც სულიწმიდით ადიდებენ უფალს თავის განცდათა გამო.
სული დიდხანს ცხოვრობს მიწაზე და უყვარს მიწიერი მშვენიერება; უყვარს ულამაზესი ბაღები, ზღვა, მდინარე, ტყე და მინდორი; სულს მუსიკაც უყვარს, და მთელი ეს მიწიერი ატკბობს მის სულს. მაგრამ როდესაც იგი უფალ იესო ქრისტეს შეიცნობს, მას უკვე აღარ სურს მიწაზე ცხოვრება.
ამონარიდში გამოყენებული ფოტო მასალა საიტს არ ეკუთვნის და მასზე საავტორო უფლებებს არ ვფლობთ
